Compostela coma cidade literaria a través dos ollos de dous novos escritores

Ver a cidade a través dos ollos de Pablo J. Rañales e Lois Alcayde Dans para descubrir o que hai máis aló do empedrado

Cunchas | 1 decembro, 2021

Unha cidade chega a ser o que é grazas á xente, da mesma forma que a literatura é un gran rascaceos construído pola humanidade. Para intentar bosquexar os cambios que lle agardan a Compostela e ao futuro literario que está xa a vir, falamos con dous novos escritores e xornalistas, Pablo J. Rañales e Lois Alcayde Dans.

Fálannos, como escritores e coma persoas novas, do ambiente que viven na capital de Galicia, lugar ao que chegaron para desenvolver os seus estudos universitarios, porque se algo caracteriza a Santiago de Compostela é esa tendencia vangardista de ser o punto de encontro de milleiros de mozos e mozas.