«O enigma de Santiago» desvélase na biblioteca Ánxel Casal

Redacción | 27 de outubro, 2021

O enigma de Santiago (Galaxia, 2021) foi escrito por Xosé Antonio Neira Cruz e será presentado na biblioteca Ánxel Casal. Esta obra foi merecedora do Premio Raíña Lupa 2020 e o seu autor logrou así ser o primeiro en acadar este recoñecemento dúas veces este certame.

O acto de presentación terá lugar o xoves 28 de outubro ás oito da tarde, e será presentado por Rosalía de Castro, a quen lle poñerá corpo e voz a actriz Tero Rodríguez. Acompañando o autor, estarán o deputado de Cultura, Xurxo Couto; o catedrático da USC e divulgador científico, Jorge Mira; e Tati Mancebo, directora Comercial de Editorial Galaxia.